Մեկնարկում է Բիզնես ինկուբատորի Առաջնորդության ծրագիրը ՀօԹ Ակադեմիայի շրջանավարտների համար
Ի՞նչ է ՀօԹ Առաջնորդության ծրագիրը՝
Սա ՀօԹ համայնքի խորհրդի կողմից նախաձեռնած ծրագիր է ՀօԹ Ակադեմիայի շրջանավարտների համար։ Այն նպատակ ունի ներգրավել շրջանավարտներին Ակադեմիայի կրթական ծրագրերի աշխատանքներում, նպաստել նրանց առաջնորդության և թիմային ղեկավարման հմտությունների զարգացմանը, և նրանց օգնությամբ բարելավել նոր կրթական ծրագրերի մասնակիցների փորձառությունը։
ՀօԹ-ի առաջին Առաջնորդության ծրագիրը իրականացվեց Վիրտուալ քոլեջ 2026 կրթական ծրագրի շրջանակներում։ Ընտրված շրջանավարտները՝ 10 ՀօԹ ուղեկիցները, ծրագրի 3 փուլերի ընթացքում առաջնորդեցին մասնակիցների խմբերը և կազմակերպեցին շաբաթական խմբային առցանց հանդիպումները։
Այժմ ուրախ ենք հայտարարել Բիզնես Ինկուբատոր 2026/27 Առաջնորդության ծրագրի մեկնարկի մասին, որը նպատակ ունի ներգրավել շրջանավարտներին կրթական ծրագրի աշխատանքներում և որին կարող են դիմել նաև այս տարվա Վիրտուալ քոլեջի շրջանավարտները։
Ո՞վ կարող է դիմել՝
ՀօԹ Ակադեմիայի բոլոր կրթական ծրագրերի շրջանավարտները, ներառյալ Վիրտուալ քոլեջ 2026:
Կարևոր նշում․ Բիզնես ինկուբատոր 2026/27 կրթական ծրագրում ընդգրկված մասնակիցները չեն կարող միաժամանակ դիմել Ուղեկից դառնալու հայտարարությանը։
Ի՞նչ հմտություններ պետք է ունենա ուղեկիցը՝
հաղորդակցման, ապրումակցման հմտություններ,
թիմային աշխատանքի պատրաստակամություն,
բարձր պատասխանատվություն։
Ինչպիսի՞ ժամային ներգրավածություն է ակնկալվում՝
Ընդհանուր հասանելիություն նախագծի իրականացման 6 շաբաթների ընթացքում՝ սեպտեմբերից նոյեմբեր
Տրամադրել շաբաթական ընդհանուր մինչև 8 ժամ, որոնցից միայն առցանց հանդիպումների համար ֆիքսված՝ շաբաթական 1 ժամ։
Որո՞նք են ուղեկիցների պարտականությունները՝
Մասնակցություն ուղեկիցների համար նախատեսված սեմինարին
Պարտադիր ներկայություն սեպտեմբերի 26-ին Երևանում կայանալիք օֆլայն մեկնարկային հանդիպմանը։
Ծանոթություն թիմի կողմից տրամադրված ուղեցույցներին և դրանց կիրառություն աշխատանքում,
Ձեռներեցության գրագիտության և Բիզնես հոգեբանության մոդուլների խմբային աշխատանքների կազմակերպում և առաջնորդում, խմբային չաթերի համակարգում
Վերջնաժամկետների մասին հիշեցումների և դասընթացների հետ կապված նորությունների տեղեկացում խմբային չաթերում
Առցանց հանդիպումների ժամանակ քննարկումների ֆասիլիտացիա/ուղղորդում և խմբակիցների հավասար մասնակցության խթանում
Տեխնիկական/բովանդակային/վարքային խնդիրների վերհանում և տեղեկացում թիմին
Մասնակիցների ակտիվության թերթիկների լրացում
Հետադարձ կապի պահպանում ծրագրի շարունակական բարելավման նպատակով
Ի՞նչ հնարավորություններ են ստանում ուղեկիցները՝
Հեռավար/ֆրիլանս աշխատանք, հիմնականում ճկուն ժամերի
Անվճար հասանելիություն Ձեռներեցության գրագիտության և Բիզնես հոգեբանության մոդուլների կրթական բովանդակությանը
ՀօԹ ուղեկցի հավաստագիր
Հնարավորություն անդամակցելու ՀօԹ համայնքի խորհրդին և ակտիվ դեր ունենալու համայնքի ձևավորման ու զարգացման գործում։
Հոնորար՝ մինչև 52,500 դրամ (հարկերը ներառյալ), 6 շաբաթյա նախագծի համար:
Սիրելի՜ ՀօԹեցի, եթե ցանկանում ես բարելավել առաջնորդության քո հմտությունները և զարգացնել քո թիմային ղեկավարման և ֆասիլիտացիոն հմտությունները, ակտիվ դեր ստանձնել ՀօԹ Ակադեմիայի աշխատանքներում և ունենալ մեծ ներդրում ուսանողների կրթական հաջողությունների մեջ՝ լրացրու ստորև հայտադիմումը մինչև սեպտեմբերի 2, 23:59։ Ընտրությունն անցկացվելու է երկու փուլով՝ հայտադիմումների ընդունում և նախնական ընտրություն, ապա՝ հարցազրույց։
Բիզնես ինկուբատոր 2026
Այժմ մեկնարկում ենք ՀոԹ Ակադեմիայի Բիզնես ինկուբատոր 2026/27 Առաջնորդության ծրագրի առաջին փուլի՝ Ձեռներեցության գրագիտության և Բիզնես հոգեբանության մոդուլների ՀոԹ ուղեկիցների հավաքագրումը:
Բիզնես ինկուբատոր 2026/27ի ընդունելությունը հայտարարվել է օգոստոսի 25-ին: Նախատեսվում է երկփուլանի ընտրության միջոցով ընդունել 150 մասնակիցներին հետևյալ մարզերից՝ Սյունիք, Շիրակ, Կոտայք, Արմավիր, Արարատ և Երևան:
Դասերը մեկնարկվելու է սպետեմբերի 28-ից, տևելու են 6 շաբաթ, որից հետո կհաջորդեն StartHot և GrowHoT ԲԻ ծրագրային փուլերը։
Բիզնես ինկուբատոր 2026/27-ի ընթացքում առաջին փուլը ունենալու է հետևյալ կառուցվածքը՝
Յուրաքանչյուր շաբաթ նախապես ձայնագրված կրթական տեսանյութերի և գնահատվող հանձնարարությունների տրամադրում,
Յուրաքանչյուր շաբաթ 1 խմբային առցանց գնահատվող դաս․
Բոլոր 150 մասնակիցները ի սկզբանե բաժանվելու են խմբերի այն տրամաբանությամբ, որ ներառեն մասնակիցներ բոլոր մարզերից, տարբեր տարիքային (16-50տ) խմբերից: Յուրաքանչյուր խմբում լինելու է առավելագույնը 15 մասնակից:
Ավարտական հանձնարարություն՝ բոլոր դասընթացներից գիտելիքների պրակտիկ հարցադրումների միջոցով:
ՀօԹ ուղեկցի պարտականությունները
Առաջնորդության նախագծի մեկնարկին ընդառաջ ընտրված ՀոԹ ուղեկիցը ստանում է onboarding թրեյնինգ, ուղեցույցներ, և կցվում է մասնակիցների խմբերից որևիցէ մեկին:
Այնուհետև նա սկսում է 6 շաբաթների ընթացքում կազմակերպել և համակարգել այդ խմբի հետ շաբաթական 1 խմբային առցանց դաս՝ խթանելով խմբակիցների հավասար մասնակցությունը, կոորդինացնելով իր խմբի չատը, լրացնելով խմբակիցներից յուրաքանչյուրի մասին ակտիվության գնահատման թերթիկը:
Պարտականությունները նաև ներառում են՝
խմբակիցներին վերջնաժամկետների մասին հիշեցումների և դասընթացների հետ կապված նորությունների փոխանցումը խմբային չաթում
անհրաժեշտության դեպքում կապի հաստատում հեռախոսազանգի միջոցով,
տեխնիկական/բովանդակային/վարքային խնդիրների վերհանում և տեղեկացում ՀօԹ թիմին, և հետադարձ կապի պահպանում շարունակական բարելավման նպատակով:
ՀօԹ ուղեկցի հոնորար
Յուրաքանչյուր նախագծի (6 շաբաթյա ծրագրի համար) ուղեկիցները կստանան հոնորար՝ մինչև 52,500 դրամի չափով։ Հիմնական (երաշխավորված) վարձատրություն՝ 35,000 դրամ, արդյունավետության բոնուս՝ 17,500 դրամի չափով, ըստ կատարողականի):
Բոլոր նշված գումարները ներառում են հարկերը։
Ուղեկցի հետ կնքվում է ծառայությունների մատուցման պայմանագիր և վճարումը կատարվում է յուրաքանչյուր նախագծի իրականացումից հետո՝ 1-2 աշխատանքային օրվա ընթացքում:
