ՀօԹ Ակադեմիայի Էկոհամակարգը
ՀոԹ Ակադեմիան ձևավորում է կենդանի էկոհամակարգ, որտեղ ուսուցումը, համագործակցությունը և զարգացման հնարավորությունները շարունակվում են ծրագրի ավարտից հետո։ Այս էկոհամակարգը միավորում է մասնակիցներին, շրջանավարտներին, մենթորներին, գործընկերներին և բիզնես համայնքը՝ ստեղծելով փոխադարձ աճի և ազդեցության միջավայր։
Այս ինտերակտիվ քարտեզը քեզ կօգնի տեսնել ՀօԹ համայնքի ցանցը
Ի՞նչ է նշանակում լինել ՀոԹ շրջանավարտ
ՀոԹ շրջանավարտ լինելը միայն սերտիֆիկատ ստանալ չէ։ Դա նշանակում է․
ունենալ ձևավորված մտածողություն և մոտեցում խնդիրներին,
կարողանալ գործել և իրականացնել գաղափարներ,
լինել պատասխանատու և նախաձեռնող մասնագետ,
պահպանել կապը ՀոԹ համայնքի հետ և շարունակել զարգացումը։
Շրջանավարտը դառնում է ՀոԹ էկոհամակարգի ակտիվ մասնակից՝ իր գիտելիքը և փորձը փոխանցելով մյուսներին և ներգրավվելով նոր նախաձեռնություններում։
Ինչու է կարևոր լինել ՀոԹ Համայնքի մաս
ՀոԹ համայնքը հանդիսանում է այն միջավայրը, որտեղ հնարավորությունները բազմապատկվում են։ Այստեղ ձևավորվում են կապեր, որոնք հաճախ վերածվում են՝
համագործակցությունների,
աշխատանքային հնարավորությունների,
համատեղ նախագծերի և բիզնեսների։
Համայնքի մաս լինելը նշանակում է լինել միջավայրում, որտեղ մարդիկ մտածում են զարգանալու, ստեղծելու և առաջ գնալու մասին։ Սա կարևոր է հատկապես այն պատճառով, որ հաջողությունը հաճախ կախված է ոչ միայն անհատական հմտություններից, այլ նաև միջավայրից։
Էկոհամակարգի կառուցվածքը
ՀոԹ էկոհամակարգը ներառում է մի քանի փոխկապակցված շերտեր․
Մասնակիցներ – ուսուցման ընթացիկ փուլում գտնվողներ
Շրջանավարտներ – ծրագրի ավարտած և ակտիվ համայնքի անդամներ
Մենթորներ և դասախոսներ – գիտելիքի և փորձի փոխանցողներ
Գործընկերներ – բիզնեսներ, կազմակերպություններ և փորձագետներ
Համայնք – ընդհանուր արժեքներով միավորված ցանց
Այս շերտերը փոխազդում են միմյանց հետ՝ ստեղծելով շարունակական զարգացող համակարգ։
Երկարաժամկետ ազդեցություն
ՀոԹ Ակադեմիայի էկոհամակարգը նպատակ ունի ձևավորել ոչ միայն անհատական հաջողություններ, այլ նաև համայնքային և համակարգային փոփոխություն։ Շրջանավարտները դառնում են փոփոխության կրողներ իրենց միջավայրում՝
ստեղծելով բիզնեսներ,
զարգացնելով կազմակերպություններ,
ներգրավվելով համայնքային նախաձեռնություններում։
ՀօԹ Ակադեմիայի Ճանապարհը
2022
Հիմնում և գաղափարի ձևավորում
"Զարգացման Սկզբունքներ" ՀԿ-ն կողմից հիմնադրվում և մեկնարկվում է "ՀօԹ Ակադեմիա" նախաձեռնությունը՝ որպես ոչ ֆորմալ կրթության նոր մոդել՝ ուղղված ապագայի մտածողությամբ անհատների ձևավորմանը։ Սահմանվեց ծրագրի տեսլականը, մշակվեցին հիմնական արժեքներն ու մոտեցումները, մեկնարկեցին գործընկերային քննարկումները և ձևավորվեց բովանդակային ու կազմակերպչական հիմքը։
2023
Մշակում և փորձարկում
2023 թվականին իրականացվեց ծրագրի կառուցվածքային ձևավորումը․ մշակվեցին կրթական մոդուլները, ներդրվեց համակցված՝ հիբրիդային ուսուցման մոդելը, ներգրավվեցին դասախոսներ և մենթորներ։ Միաժամանակ սկսվեց ծրագրի փորձարկումը՝ սահմանափակ շրջանակում, ձևավորվեց առաջին ակտիվ համայնքը և ճշգրտվեցին մեթոդաբանական մոտեցումները։
2024
Առաջին կրթաշրջանի մեկնարկ
2024 թվականին մեկնարկեց ՀօԹ Ակադեմիայի առաջին կրթաշրջանը՝ ներգրավելով մասնակիցների տարբեր մարզերից։ Իրականացվեցին վիդեո ուսուցում, շաբաթական խմբային աշխատանքներ, գործնական առաջադրանքներ և օֆլայն հանդիպումներ։ Ձևավորվեց ծրագրի առաջին ամբողջական ուսուցման փորձառությունը և ստեղծվեց ՀօԹ համայնքի հիմքը։
2025
Առաջին արդյունքներ և վերաիմաստավորում
2025 թվականին ամփոփվեցին առաջին ալիքի արդյունքները․ ձևավորվեց շրջանավարտների առաջին խումբը, արձանագրվեցին հաջողություններ աշխատաշուկայի ինտեգրման և նախագծերի իրականացման ուղղությամբ։ Հավաքագրվեց հետադարձ կապ, վերամշակվեցին ծրագրի բովանդակությունն ու մեթոդաբանությունը, ընդլայնվեց գործընկերային ցանցը և ուժեղացավ համայնքային բաղադրիչը։
2026
Երկրորդ կրթաշրջանի մեկնարկ
2026 թվականին մեկնարկում է ՀօԹ Ակադեմիայի երկրորդ կրթաշրջանը՝ նորացված ծրագրային կառուցվածքով, ընդլայնված աշխարհագրությամբ և ավելի լայն ընդգրկմամբ։ Ծրագիրը հասանելի է Սյունիքում, Շիրակում, Արմավիրում, Կոտայքում, Արարատում և Երևանում՝ ներառելով ավելի մեծ թվով մասնակիցներ, ուժեղացված ուսուցման մոդել և զարգացած համայնքային էկոհամակարգ, հաստատելով ՀօԹ-ը որպես կայուն և աճող կրթական հարթակ Հայաստանում։
ՀօԹ Պատմություններ
Աշոտ Հարությունյան
ինչպես ստեղծվեց VivaAqua-ն
Աշոտ Հարությունյանը ՀոԹ Ակադեմիայի «Բիզնես Ինկուբատոր» ծրագրի շրջանավարտ է և GrowHoT! դրամաշնորհի հաղթող։ Նրա ընտանիքը շուրջ 25 տարի զբաղվում է ձկնորսությամբ, իսկ բիզնես գաղափարի հիմքում մոր պատրաստած սիգի կոտլետներն էին։
Ծրագրին դիմելիս արտադրանքը դեռ անուն և փաթեթավորում չուներ, սակայն Աշոտն ուներ հստակ տեսլական։ ՀոԹ-ի աջակցությամբ գաղափարը վերածվեց VivaAqua բրենդի՝ մշակվեցին արտադրանքի տարբերակներ, փաթեթավորում և բիզնես պլան։
Այսօր VivaAqua-ն ունի փոքր արտադրություն, իսկ արտադրանքը վաճառվում է ավելի քան 70 խանութներում Հայաստանի տարբեր քաղաքներում։
2
