HoT Academy

Ունե՞ք բիզնես գաղափար, որը ցանկանում եք զարգացնել։ Արդեն սկսել եք որևէ գործ, բայց ցանկանում եք հասկանալ՝ ինչպես այն դարձնել ավելի կենսունակ և կայուն։ Կամ գուցե ցանկանում եք զբաղվել ձեռներեցությամբ, բայց դեռ փնտրո՞ւմ եք ձեր գաղափարը։

ՀօԹ Ակադեմիայի Բիզնես Ինկուբատորն արդեն մեկնարկել է։ Սա փուլային ծրագիր է, որն օգնում է մասնակիցներին գիտելիքից ու գաղափարից քայլ առ քայլ շարժվել դեպի իրական բիզնես։ Ծրագիրն ընթացքի մեջ է, և մասնակիցներն արդեն իսկ ակտիվորեն աշխատում են իրենց նախագծերի զարգացման ու կայացման ուղղությամբ։

ՀօԹ Ակադեմիան նորարարական ոչ ֆորմալ կրթական հարթակ է, որի նպատակն է երիտասարդներին զինել կիրառական հմտություններով, ձեռնարկատիրական մտածելակերպով և աշխատաշուկայում արդյունավետ գործելու տեսլականով՝ համահունչ զարգացող շուկայի պահանջներին։ Հիմնադրված 2022 թվականին՝ ՀօԹ-ը գործում է ինտենսիվ կրթության, էկոհամակարգային համագործակցության և իրական կիրառական փորձառության հատման կետում։ Նրա մոդելը համադրում է կառուցվածքային ուսուցում, մենթորական ուղեկցում և ինկուբացիոն մեխանիզմներ, որոնք ապահովում են գիտելիքի պրոյեկտումը չափելի անձնական և մասնագիտական առաջընթացի վրա։

Վիրտուալ
Քոլեջ

Վիրտուալ
Ստուդիա

Մասնագիտական
Ինկուբատոր

Բիզնես
Ինկուբատոր

Բիզնես
Աքսելերատոր

Վիրտուալ Քոլեջը կոչված է ձավորել մարդկանց, ովքեր կարողանում են մտածել ինքնուրույն, գործել արդյունավետ, աշխատել թե՛ ինքնուրույն և թե՛ թիմում ու կողմնորոշվել իրական կյանքի բարդ իրավիճակներում։ Վիրտուալ Քոլեջը տեսության փոխանցում չէ։ Այստեղ տրված գիտելիքը անմիջապես վերածվում է գործնական փորձի՝ իրական առաջադրանքների, քննարկումների և կիրառական նախագծերի։ Թվային, հաղորդակցման, ֆինանսական և իրավական գրագիտությունը ներկայացվում են ոչ թե որպես առանձին առարկաներ, այլ որպես ինքնուրույն մարդու չորս հենասյուն։ Դու կսովորես կառավարել քո ռեսուրսները, քո թվային “ես”-ը, քո իրավունքները, քո ձայնը։

Անգլերենի ուսուցումը դուրս է գալիս դասագրքային սահմաններից և տեղափոխվում վիրտուալ բեմահարթակ: Ուսումնական գործընթացը կառուցված է որպես ստեղծագործական ճամփորդություն՝ ուղղորդված ընթերցանության, դերային խաղերի և թիմային փորձերի միջոցով: Ծրագրի հիմնական նպատակը վստահ հաղորդակցման հմտության ձևավորումն է: Այն զինում է մասնակիցներին այնպիսի հաղորդակցական հմտություններով, որոնք անհրաժեշտ են ժամանակակից աշխատաշուկայում վստահ քայլեր անելու և սեփական ձայնը լսելի դարձնելու համար:

Մասնագիտական վերապատրաստման ճամփորդություն է՝ ուղղված ժամանակակից մարքեթինգի և դիզայնի ոլորտներում հմտությունների խորացմանը : Ծարագիրը կառուցված է «Սովորել, սովորել գործելով և սովորել կիսվելով» սկզբունքով : Մասնակիցները հնարավորություն են ստանում աշխատել իրական պրոդուկտների վրա և բարձրացնել իրենց մրցունակությունը աշխատաշուկայում :

StartHoT! – 5-ամսյա ինտենսիվ ծրագիր է։ Մասնակիցները "բացահայտում և կառուցում" սկզբունքով աշխատում են ոլորտի լավագույն փորձագետների՝ «Գուրուների» հետ, որպեսզի ձևավորեն կայուն բիզնես մոդելներ։
GrowHoT! – Սա Ինկուբատորի եզրափակիչ փուլն է, որին կարող են դիմել միայն StartHoT!-ը հաջողությամբ ավարտածները։ Այն մեկնարկում է Փիթչինգով, որի արդյունքում լավագույն նախագծերը ստանում են սերմնային ֆինանսավորում (seed funding) և դրամաշնորհային աջակցություն սեփական արտադրանքը թողարկելու համար։

Ծրագրի երկրորդ փուլի (2025-2028) նորարարական բաղադրիչն է, որը կենտրոնանում է արդեն ստեղծված բիզնեսների աճի և ընդլայնման վրա: Այստեղ ներառված է մասնագիտական ուղեկցում ձևաչափը, որտեղ շրջանավարտները առաջատար ընկերություններում (օրինակ՝ MAROG) հետևում են փորձառու մասնագետների աշխատանքին՝ ձեռք բերելով իրական աշխատանքային փորձ: Եթե Բիզնես Ինկուբատորը օգնում է գաղափարը վերածել ստարտափի, ապա Աքսելերատորը նախատեսված է արդեն ձևավորված փոքր բիզնեսների թռիչքային աճն ապահովելու համար։