Google Classroom-ում ուսումնասիրեք շաբաթվա համար նախատեսված նյութերը՝ տեսանյութեր, կարդալու նյութեր, գործիքներ և գործնական օրինակներ։

Նյութերը հասանելի են նախապես, այնպես որ կարող եք ինքնուրույն պլանավորել ուսուցման ժամանակը՝ պահպանելով շաբաթական վերջնաժամկետները։

Յուրաքանչյուր շաբաթ ստացած գործիքներն անմիջապես փորձարկեք Ձեր գաղափարի կամ բիզնեսի վրա։

Աստիճանաբար աշխատելու եք հաճախորդի, արժեքային առաջարկի, շուկայի, բիզնես մոդելի, ֆինանսների, վաճառքի և այլ առանցքային հարցերի շուրջ՝ միաժամանակ դիտարկելով դրանց հոգեբանական կողմը։

Շաբաթը մեկ անգամ՝ երեկոյան, միացեք ուղիղ առցանց հանդիպմանը։

• ·քննարկում եք շաբաթվա թեման,
• ·աշխատում եք փոքր խմբերով,
• ·կիրառում եք գործիքները իրական բիզնես իրավիճակների վրա,
• ·ներկայացնում և քննարկում եք լուծումները,
• ·սովորում եք նաև մյուս մասնակիցների գաղափարներից և փորձից։

Հանդիպումը ֆասիլիտացնում է Ձեր ՀօԹ Ուղեկիցը։

Շաբաթական աշխատանքները առանձին առաջադրանքներ չեն․ դրանք աստիճանաբար դառնում են մեկ ամբողջություն։

6 շաբաթվա վերջում կունենաք Ձեր գաղափարի շուրջ կառուցված և հիմնավորված բիզնես մոդել կանվաս, ինչպես նաև ավելի հստակ պատկերացում այն մասին, թե Ձեր՝ որպես ձեռներեցի մտածողությունն ինչպես է ազդում այդ մոդելի իրականացման վրա։

Յուրաքանչյուր 12–15-հոգանոց խումբ ունի վերապատրաստված Ուղեկից, որը խմբի կողքին է ամբողջ 6 շաբաթների ընթացքում։

• ·ֆասիլիտացնում է շաբաթական ուղիղ հանդիպումները,
• ·օգնում է կազմակերպել խմբային աշխատանքը,
• ·հետևում է մասնակիցների ներգրավվածությանը,
• ·օգնում է հետևել ծրագրի ընթացքին և վերջնաժամկետներին,
• ·նպաստում է փոխօգնության և վստահության միջավայրի ձևավորմանը։

Ուղեկիցի դերը Ձեր խմբի ուսումնական ճանապարհը ֆասիլիտացնելն ու կազմակերպչական աջակցություն ապահովելն է։

Երկու մոդուլների փորձագետները տրամադրում են հիմնական մասնագիտական բովանդակությունը, գործիքներն ու առաջադրանքները։

Դուք աշխատում եք նրանց մշակած բովանդակությամբ՝ այն կիրառելով Ձեր գաղափարի վրա։

Ձեր փոքր խումբը միջավայր է, որտեղ կարող եք՝

• ·փորձարկել գաղափարներ,
• ·ստանալ հարցեր և հետադարձ կապ,
• ·տեսնել այլ մասնակիցների մոտեցումները,
• ·սովորել միմյանց փորձից։

Դուք դիմում եք ՀօԹ Ակադեմիայի « Բիզնես Ինկուբատոր 2026/27 » ծրագրին։

Բիզնես Ինկուբատորի առաջին փուլը ներառում է երկու փոխլրացնող ուղղություն՝ Ձեռներեցություն և Բիզնեսի հոգեբանություն։ Այս փուլում շուրջ 150 մասնակիցներ ձեռք կբերեն գործնական գիտելիքներ և կաշխատեն սեփական բիզնես գաղափարի ու Business Model Canvas-ի վրա։

Առավել պատրաստ և հեռանկարային գաղափարների համար հետագայում կբացվի StartHoT մենթորական ծրագիր անցնելու հնարավորություն, իսկ StartHoT-ից հետո ընտրված բիզնեսները կարող են շարունակել GrowHoT փուլում։

Ոչ։ Բիզնես Ինկուբատորի առաջին փուլը նախատեսված է նաև վաղ փուլում գտնվող գաղափարների համար։

Կարող եք դիմել, եթե ունեք խնդիր, կարիք կամ հնարավորություն, որի շուրջ ցանկանում եք ձևավորել բիզնես գաղափար։ Ծրագրի ընթացքում կաշխատեք հաճախորդի, խնդրի, արժեքի առաջարկի, շուկայի, եկամուտների, ծախսերի և Business Model Canvas-ի մյուս բաղադրիչների վրա։

Արդեն գործող փոքր բիզնես ունենալու դեպքում նույնպես կարող եք մասնակցել՝ վերանայելու և զարգացնելու Ձեր բիզնես մոդելը։

Բիզնեսի հաջողությունը կախված է ոչ միայն ճիշտ ռազմավարությունից, այլև այն մարդուց, ով կայացնում է որոշումները։

2026/27 կրթաշրջանում Բիզնես Ինկուբատորն առաջին անգամ ներառում է Բիզնեսի հոգեբանության առանձին բաղադրիչ։ Դուք կուսումնասիրեք, թե ինչպես են մտածողությունը, վախերը, պերֆեկցիոնիզմը, սահմանափակող համոզմունքները, ռիսկի ընկալումը, վստահությունը, դելեգավորումը և որոշումների կայացման սովորությունները կարող ազդել բիզնեսի զարգացման վրա։

Այսպիսով, կաշխատեք երկու ուղղությամբ՝ «Ինչպե՞ս կառուցել կենսունակ բիզնես մոդել» և «Ի՞նչը կարող է օգնել կամ խանգարել Ձեզ այն իրականացնել»։

Բիզնես Ինկուբատորի առաջին փուլը տևելու է 6 շաբաթ և հիմնականում իրականացվելու է առցանց։

Ուսուցումը ներառելու է նախապես պատրաստված նյութեր, շաբաթական առաջադրանքներ, առցանց խմբային հանդիպումներ և գործնական աշխատանք Ձեր բիզնես գաղափարի շուրջ։ Ակնկալվում է շաբաթական միջինում 1-2 ժամ հանդիպումներին մասնակցություն։

Մասնակցության համար անհրաժեշտ է ունենալ համակարգիչ, կայուն ինտերնետ կապ, գործող Gmail հաշիվ և հնարավորություն պարբերաբար աշխատելու Google Classroom և Google Meet հարթակներում։

Առաջին փուլը պարզապես StartHoT-ի ընտրության փուլ չէ․ այն ինքնին ամբողջական կրթական փորձառություն է։

Ծրագրի ավարտին Դուք կունենաք ձեռներեցության կիրառելի գիտելիքներ, ավելի հստակ ձևակերպված բիզնես գաղափար, մշակված Business Model Canvas և Ձեր գաղափարի հաճախորդի, արժեքի առաջարկի, եկամուտների, ծախսերի ու իրագործելիության ավելի ամբողջական պատկերացում։

Բիզնեսի հոգեբանության միջոցով նաև ավելի լավ կհասկանաք Ձեր՝ որպես ձեռներեցի ուժեղ կողմերը, որոշումների կայացման առանձնահատկություններն ու հնարավոր ներքին սահմանափակումները։

Առաջին փուլի վերջնական արդյունքը ձևավորվելու է մի քանի բաղադրիչներից՝ շաբաթական առաջադրանքների արդյունքներից, առցանց հանդիպումների մասնակցությունից և ակտիվությունից, ինչպես նաև ավարտական բիզնես ներկայացումից։

Ծրագիրը հաջողությամբ ավարտելու համար անհրաժեշտ է ունենալ առնվազն 50% ընդհանուր արդյունք և ապահովել առցանց հանդիպումների մասնակցության առնվազն 50% ցուցանիշ։

Վերջնական գնահատման բաղադրիչների կշիռները կհաստատվեն ՀօԹ Ակադեմիայի կողմից և մասնակիցներին կներկայացվեն ծրագրի ընթացքում։

Վերջին շաբաթներին Դուք կամփոփեք ծրագրի ընթացքում կատարած աշխատանքը և կկատարելագործեք Ձեր Business Model Canvas-ն ու բիզնես ներկայացումը։

Ավարտական ներկայացումը հիմնված կլինի նախորդ շաբաթների առաջադրանքների վրա, այսինքն՝ կարիք չի լինի զրոյից ստեղծել ամբողջովին նոր նախագիծ։

ՀօԹ Ակադեմիան կտրամադրի Business Model Canvas-ի ստուգաթերթ, ներկայացման ձևանմուշ և ուղեցույց։ Կունենաք նաև Ձեր գաղափարի ներկայացումը փորձարկելու և փիչին պատրաստվելու հնարավորություն։

Ոչ։ Եվ StartHoT չանցնելը չի նշանակում, որ Դուք չեք ավարտել կամ չեք շահել Բիզնես Ինկուբատորի առաջին փուլից։

Առաջին փուլն ինքնին ունի առանձին կրթական արդյունք։ Իսկ StartHoT-ը հաջորդ՝ մրցակցային հնարավորություն է այն մասնակիցների և գաղափարների համար, որոնք պատրաստ են ավելի ինտենսիվ մենթորության և բիզնեսի հետագա զարգացման։

StartHoT-ին դիմելու համար, ի թիվս այլ պահանջների, անհրաժեշտ է Բիզնես Ինկուբատորի առաջին փուլում ունենալ առնվազն 70% ընդհանուր արդյունք և ներկայացնել ամբողջական դիմումի փաթեթ։

Մոտ 30 առավել պատրաստ և հեռանկարային գաղափարներ/թիմեր կընտրվեն StartHoT-ի համար։

Այո։ StartHoT-ի համար հնարավոր է նաև թիմային դիմում։

Թիմը պետք է ունենա մեկ հիմնական դիմորդ/պատասխանատու անձ, որը համապատասխանում է StartHoT-ի մասնակցության պայմաններին, հանդիսանում է ՀօԹ Ակադեմիայի հիմնական կապի անձը և ակտիվորեն մասնակցում է ծրագրի աշխատանքներին։

Դիմումի ժամանակ պետք է ներկայացվեն նաև թիմակիցները, նրանց դերերը և հստակեցվի, թե ովքեր են մասնակցելու StartHoT-ի աշխատանքներին։

Ոչ։ StartHoT-ը մենթորական և բիզնեսի զարգացման հաջորդ փուլն է, ոչ թե ֆինանսավորման ավտոմատ երաշխիք։

StartHoT-ի ընթացքում ընտրված գաղափարները կշարունակեն զարգացնել, փորձարկել և հիմնավորել իրենց բիզնես մոդելները փորձառու մասնագետների և մենթորների աջակցությամբ։

Այնուհետև առավել կենսունակ և իրագործելի 5–7 բիզնեսներ հնարավորություն կունենան անցնելու GrowHoT փուլ և ստանալու ֆինանսական ու մասնագիտական աջակցություն։