HoT Մասնագիտական ինկուբատոր ծրագիրը նախատեսված է Տավուշի և Գեղարքունիքի մարզերի 16-35տ երիտասարդների համար, ովքեր ձգտում են.

HoT մասնագիտական ինկուբատոր ծրագրի մասնակիցների քանակը սահմանափակ է, առավելագույնը 40 երիտասարդ կկարողանան մասնակցել ծրագրին անվճար՝ ստանալով ծրագրի մասնակցության ամբողջական կրթաթոշակ։

Ուշադրություն* HoT մասնագիտական ինկուբատոր ծրագրին կարող են դիմել նաև HoT Ակադեմիայի կողմից իրականացված այլ ծրագրերի մասնակիցները։

Ծրագրի ընդունելությունը մեկնարկում է սեպտեմբերի 1-ից և իրականացվում է 3 փուլով.

1․  Հայտադիմումների փուլ՝ մինչ 2024թ․ սեպտեմբերի 19-ը, ժամը՝ 23։59

2․  Մասնագիտական առաջադրանքի իրականացման փուլ՝ մինչ 2024թ․ սեպտեմբերի 22, ժամը՝ 23։59

3․  HoT Զրույց մենթորի հետ՝ մինչ 2024թ․ հոկտեմբերի 11

Հայտադիմումների փուլում անհրաժեշտ է ընտրել մասնագիտական 4 ուղղություններից որևէ մեկը, որով դիմորդը նախընտրում է մասնակցել ծրագրին։ Ընդունելության փուլը հաղթահարելուց հետո դիմորդը կմասնակցի իր կողմից ընտրված մասնագիտական խմբի բոլոր դասերին։ Ծրագրի ավարտից հետո բոլոր մասնակիցներին, ցանկության դեպքում, հասանելիություն կտրվի մասնագիտական մյուս ուղղությունների կրթական նյութերին։ 

Ընդունելության առաջին երկու փուլերը հաջողությամբ հաղթահարած լավագույն 50 մասնակիցները հնարավորություն կստանան մասնակցելու ընդունելության վերջնական փուլին՝ HoT Զրույց մենթորի հետ փուլին։ Այս փուլի ընթացքում դիմորդները մասնակցում են արագընթաց, 15-20 րոպեանոց անհատական զրույցների HoT ծրագրային թիմի և HoT Գուրուների հետ։ 

HoT Զրույց մենթորի հետ փուլն ընթանում է բացառապես օնլայն, որի ընթացքում HoT Գուրուները գնահատում են դիմորդների կատարած առաջադրանքը՝ տալով նրանց մասնագիտական հետադարձ կապ։ Մենթորի հետ զրույցի ձայնագրությունը ուղարկվում է դիմորդին՝ որպես հետադարձ կապի արժեքավոր նյութ։

Այս փուլը համակարգում է HoT-ի գործընկեր Marog բրենդինգային և մարքեթինգային հաղորդակցությունների ընկերությունը։ 

HoT Զրույց մենթորի հետ փուլի արդյունքում ընտրվում են լավագույն 40 դիմորդները, որոնք հրավիրվում են միանալու ծրագրին և հնարավորություն են ստանում անվճար մասնակցել՝ ստանալով ամբողջական կրթաթոշակ։

Ընտրությունը կատարելիս հաշվի են առնվելու դիմորդների մասնագիտական գիտելիքները, հմտությունները, մոտիվացիան, պատրաստակամությունը՝ մասնակցելու ծրագրի բոլոր փուլերին։

Ծրագրին կարող եք դիմել՝ լրացնելով հայտադիմումը սեպտեմբերի 1-ից մինչ սեպտեմբերի 19-ը, 23։59։

Ծրագիրն անցկացվելու է առցանց ձևաչափով՝ շաբաթական 2 օր, 2-3 ժամ տևողությամբ հանդիպումներով, որոնք կիրականացվեն երեկոյան ժամերին՝ 17։00-ից հետո։ Որոշ դասեր հնարավոր է անցկացվեն առկա ձևաչափով՝ անհրաժեշտությունից ելնելով։ 

Առկա ձևաչափով կանցկացվեն նաև ծրագրի մեկնարկի և ավարտական միջոցառումները։

Ուշադրություն* Ծրագրի առցանց հանդիպումներին խիստ ցանկալի է միանալ համակարգչով։

HoT մասնագիտական ինկուբատորի մասնակիցները հնարավորություն կունենան սովորելու անվճար՝ HoT Ակադեմիայի կողմից տրամադրվող ամբողջական կրթաթոշակի շնորհիվ։

HoT Մասնագիտական ինկուբատոր ծրագրի դասընթացավարներն են՝

Մանրամասն նրանց մասին ծանոթացեք հետևյալ էջում։

Ծրագրի ընդհանուր տևողությունն է՝ 4 ամիս։ Հայտադիմումների փուլը մեկնարկում է սեպտեմբերի 1-ին, իսկ բուն կրթական փուլը՝ հոկտեմբեր ամսին։ HoT մասնագիտական ինկուբատորը կազմված է հետևյալ երեք կրթական Թռիչքներից՝

Թռիչք 1․ Սովորել (Learning)

Թռիչք 2․ Սովորել տարածելով (Learning by Sharing)

Թռիչք 3․ Սովորել գործելով (Learning by Doing)

Ծրագրի արդյունքում մասնակիցները կապահովեն հետևյալ նշաձողերը՝