Ցանկացած բիզնեսի հաջողության գրավականը պայմանավորված է կայուն և խոստումնալից ֆինանսական ցուցանիշներով։ Ֆինանսական կատարողականը սերտ արտահայտում է ընկերության բոլոր օղակների գործունեության արդյունավետ կապի մասին։ Ֆինանսական ցուցանիշները պետք է հստակ արտահայտեն իրատեսական և հասանելի թվեր, ինչպես նաև կանխատեսման գրագետ հիմքեր։ Համոզվելու համար արդյոք բիզնեսը կարող է շաունակություն ապահովել և զարգանալ, ինչպես օրգանական , այնպես էլ անօրգանական ճանապարհներով, անհրաժեշտ է ունենալ ֆինանսական աշխատանքային գործիք, որն է ֆինանսական մոդելը։ Այն ունենալու համար, անհրաժեշտ է, որպեսզի մասնակիցները սովորեն ինչպես կանխատեսել, ինչպես որոշել գինը, ինչպես պլանավորել  և օպտիմալացնել ծախսերը, ինչպես հաշվարկել  շահույթը և ստացված ցուցանիշները վերլուծել և համեմատել համանման բիզնեսների ֆինանսական ցուցանիշների հետ։
Թռիչքի ժամանակ մենք կանդրադառնանք վերևում նշված բոլոր ֆինանսական կատեգորիաներին, ինչպես նաև կաշխատենք յուրաքանչյուր մասնակցի անհատական բիզնես մոդելի վրա՝ հաշվի առնելով այդ բիզնեսի յուրահատկությունը և ոլորտային առանձնահատկությունները։ Բավականին մանրամասն կուսումնասիրվեն նաև գնագոյացման առանձնահատկությունները հաշվի առնելով արդի շուկայի պահանջները և արդյոք բիզնեսը իր գնագոյացմամբ կարող է հասնել իր բիզնես նպատակներին։
Քանի որ բիզնեսում՝ մասնավորապես Հայաստանում հիմնական խնդիրը, որին բախվում են ստարտափերը դա հենց ֆինանսական միջոցների հայթայթումն է, առանձնակի ուշադրություն կդարձվի նաև ֆինանսավորման աղբյուրներին, ինչպես նաև արդյոք որքան բյուջե է հարկավոր և արդյոք այդքան հնարավորություն ունի սկսնալ բիզնեսը, և եթե ոչ ապա որոնք են այլընտրաքները։
Բավականին տարբեր օրինակներ կբերվեն հաջողակ բիզնես մոդելներից, որը կընդգրկի ինչպես ծախսերի կրճատման օրինակներ, այնպես էլ  շահութաբեր սակայն հեռանկարային և բաժնետերերի կողմից հավանության արժանացած անհավատալի բիզնես նախագծեր։

Այս Թռիչքի ընթացքում Թռիչքի HoT Գուրուի հետ.

1. Կներկայացվի սեգմենտավորումն իր փուլերով և նվազագույն անհրաժեշտ պայմաններով,
2. Գնորդի պերսոնայի կոնցեպցիան և դրա կարևորությունը,
3. Թիրախային լսարան, գնորդի կենտրոն հասկացությունները, հասկանալ ով է իրական հաճախորդը և ում մոտ առաջխաղացնել արժեքի առաջարկը,
4. Ինչպես մուտք գործել շուկա, կներկայացվի Անսոֆի և Բոստոնի Խորհրդատվական Խմբի մատրիցաները,
5. Գին, գնորոշման ռազմավարություն:

Ցանկացած ծառայություն ուղեկցվում է ֆիզիկական բաղադրիչով և մարքեթինգային միքսերի տարբեր մոտեցումները համադրելով հասկանում ենք որ ժամանակակից կոմերցիայում չկա միայն ֆիզիկական պրոդուկտ կամ միայն ոչ ֆիզիկական ծառայությունը։ Բոլոր արժեքային առաջարկները լինում են միքս։
Այս Թռիչքի ընթացքում Թռիչքի HoT Գուրուի հետ.

1. Կդիտարկենք 8P մոդելը, որտեղ մարդիք մաքեթինգային միքսի լիիրավ անդամն են և դիտարկվում են որպես հաջողության կարևորագույն գրավական, հատկապես ծառայությունների ոլորտում
2. Կքննարկենք մարդկանց օպտիմալ կառավարման մոտեցումները ելնելով ստանդարտացված գործընթացներից և հստակ ընդունված կառավարչական պրոցեսներից
3. Կկազմենք մադկանց մոտիվացման մակարդակի վրա ազդող գործոններ, որոնցով կկազմենք մոտիվացիոն համակարգեր
4. Կքննարկենք մարդկային ռեսուրսների կառավարման ստրատեգիկ մոտեցումներ և լուծումներ, ելնելով բիզնեսի նպատակից և տեսլականից

Բավարար չէ ունենալ գոյություն ոնեցող խնդիր լուծող պրոդուկտ, աշխատող բիզնես մոդել, մարկետինգային պլան, շուկա դուրս գալու ռազմավարություն, վաճառքի քաղաքականություն և նվիրված թիմ: Պարտադիր է նաև այս ամենը ներկայացնել այնպես, որ բիզնեսը լինի հասկանալի, գրավիչ համագործակցության և ներդրումների համար:
Այս Թռիչքի ընթացքում Թռիչքի HoT Գուրուի հետ.

1. Խոսելու ենք ձեր բիզնեսը ճիշտ ներկայացնելու մասին, և թռիչքի վերջում հասնելու ենք ներկայացման այն ֆորմատին, որն ընդունելի է գործնկերների և ներդրւղների համար: 
2. Ստեղծելու եք և ունենալ եք պատրաստ բիզնես ներկայացում և հարց ու պատասխանի ալգորիթմ, որը բազմաթիվ անգամ փորձարկելու ենք, պարզելու ենք հենց ձեր ստարտափի համար օպտիմալ ներկայացման ոճը, և հարմարեցնելու ենք տարբեր լսարանների համար: 
3. Սովորելու ենք բիզնես պատմությունների պատմելու արվեստը և գրելու ենք ձեր բիզնեսի պատմությունը: 
4. Վերջապես, այս դասընթացի ժամանակ խոսելու ենք բիզնեսի անվանումը ճիշտ ընտրելու կատևորության մասին, և ձեր ստարտափի հանար օպտիմալ անուն ենք որոշելու: