HoT Academy

Վիրտուալ Քոլեջ կրթական ծրագիրը տրամադրում է դարի պահանջներին համապատասխան ֆունդամենտալ/բազային գիտելիքներ, կոշտ և փափուկ հմտություններ, որոնք անհրաժեշտ են անհատին՝ մրցունակ դառնալու և աշխատաշուկայում կայուն զբաղվածություն ձեռք բերելու համար՝ որպես աշխատակից, գործատու կամ ինքնազբաղված անձ:

Նախապես ձայնագրված դասերի տրամադրում,
Շաբաթական առցանց դասերի անցկացում,
Դեմառդեմ աշխատարանների կազմակերպում,
Անհատական և թիմային թեստերի և հանձնարարությունների տրամադրում ու գնահատում,
Թիմերի բաշխում և թիմերի ավագների՝ HoT Դեսպանների ընտրություն, նշանակում և թիմերի անվանումների որոշում,
Համաձայն արդյունքների՝ ավարտական վկայականների տրամադրում։

Վիրտուալ քոլեջ ծրագրի մասնակիցների համակարգման, ինչպես նաև առաջնորդության և թիմայի աշխատանքի հմտությունները զարգացնելու նպատակով` գործում է HoT Դեսպանների մեխանիզմը։ Դեսպանները համակարգում են թիմերի աշխատանքները, ուղղորդում իրենց թիմակիցներին ուսուցման ընթացքում, աշխատում արագ արձագանքման մեխանիզմներ ստեղծել. և այս ամենն անում են մոդուլները սովորելուն զուգահեռ։ HoT Դեսպաններ ընտրվում են մրցութային կարգով։

ԹՎԱՅԻՆ ԳՐԱԳԻՏՈՒԹՅՈՒՆ

ՀԱՂՈՐԴԱԿՑՈՒԹՅՈՒՆ

ՀԱՂՈՐԴԱԿՑՈՒԹՅՈՒՆ ՕՏԱՐ ԼԵԶՎՈՎ

ՖԻՆԱՆՍԱԿԱՆ ԳՐԱԳԻՏՈՒԹՅՈՒՆ

ԻՐԱՎԱԿԱՆ ԳՐԱԳԻՏՈՒԹՅՈՒՆ

ՀՅՈՒՐԸՆԿԱԼՈՒԹՅԱՆ ԳՐԱԳԻՏՈՒԹՅՈՒՆ

ՁԵՌՆԱՐԿԱՏԻՐԱԿԱՆ ԳՐԱԳԻՏՈՒԹՅՈՒՆ

Մոդուլի ուսումնական ծրագրում ներառված են այնպիսի թեմաներ, ինչպիսիք են առցանց հաղորդակցման գործիքները և էթիկան, առցանց աշխատանքի արդյունավետ թվային գործիքները, ընդհանուր թվային գրագիտությունը և այլ ոլորտային թեմաներ: Ուսանողների համար հասանելի են տվյալ թեմայի վերաբերյալ տեսանյութեր և օժանդակ նյութեր. Մոդուլը ուղեկցվում է նաև դասախոսների հետ վիրտուալ ինտերակտիվ հանդիպումներով։

Այսօր վիզուալ էսթեթիկ և վաճառող բովանդակություն ստեղծելու համար պարտադիր չէ բարձրագույն կրթություն դիզայնի ոլորտում։ Եթե ունեք դիզայն մտածելակերպ (design thinking), դիզայնի կոմպոզիցիայի և գույների ընկալում, ինչպես նաև ծրագրային գիտելիքներ, ապա միարժեք կկարողանաք ստեղծել հետաքրքիր և գրավիչ բովանդակություն սոցցանցերում Ձեր էջերի հրապարակումների համար։

1. ՍՈՎՈՐԵԼ /
LEARNING

2. ՍՈՎՈՐԵԼ ՏԱՐԱԾԵԼՈՎ /
LEARNING BY SHARING

3. ՍՈՎՈՐԵԼ ԳՈՐԾԵԼՈՎ /
LEARNING BY DOING

Սովորել Թռիչքի ընթացքում մարքեթինգի ոլորտի լավագույն մասնագետները փոխանցում են HoT Ճամփորդներին հիմնարար խորացված գիտելիքներ՝ իրենց ընտրած մասնագիտական ուղղություններում՝ համեմված իրական օրինակներով, օգտակար խորհուրդներով և գործնական առաջադրանքներով։ HoT Գուրուներն այս փուլում HoT մասնագիտական ճամփորդներին ծանոթացնում են իրենց ընտրած ոլորտի միտումներին, նրբություններին, ներքին խոհանոցին և փոխանցում իրենց լավագույն փորձը։

Սովորել Տարածելով կրթական Թռիչքը մեկնարկում է EduHoT կրթական արշավով. Մեկ ամիս տևողությամբ կրթական արշավի ընթացքում մասնագիտական ճամփորդների պատրաստած կրթական ռիլերը տեղադրվում են HoT կայքում որպես թեմատիկ դասընթացներ, տարածվում են HoT-ի պաշտոնական սոց. Էջերում և HoT մասնագիտական ճամփորդների կողմից՝ բոլոր հնարավոր սոց. մեդիաներում։

HoT Մասնագիտական ինկուբատորի երրորդ կարևոր բաղադրիչը նախագծային ուսուցումն է, որի սկզբունքն է ՝ Սովորել Գործելով։ Այս կրթական Թռիչքի ընթացքում մասնագիտական ճամփորդները հնարավորություն են ստանում փորձարկելու և կիրառելու ձեռք բերած գիտելիքներն ու հմտությունները՝ աշխատելով իրական բիզնեսների՝ HoT ստարտափների համար՝ իրական նախագծերի շուրջ։ HoT Պորտալի միջոցով մասնակիցները ծանոթանում և դիմում են հասանելի և իրենց համար նախընտրելի նախագծերին։